Sigmund Freithöfl hat versaczt sein haus und garten daran und was darczu gehoret, gelegen pey den Sibenherbergen vor Kernertor zenagst der pruken und Sand Colmans freithof, und ain hofmarch das emalen ain haus ist gewesen, gelegen daneben, daman von derselben hofmarch jerlich dint den armen leuten in der Purgerspital drey schilling pfening zu gruntdinst und von dem egenanten haus und garten und der benanten hofmarch und was darczu gerhort aim yeden caplan der messe so frau Dorothe die Poschin auf Sand Blasien altar datz Sant Steffan zu Wienn gestifft hat newn pfund pfening zu purkrecht und nicht mer. Dem erbern Steffan Gusner, burger zu Wienn, und seinen erben, umb drewundvirtzig pfund pfening der swartzen munss und sind zubetzalen auf sant Mertten tag schirstkunfftigen an alles vercziehen. Actum an Mittichen vor sand Erasems tag, anno domini etc. lvito.

Summa lxxxvi d.

Habet cedulam.