Sebastian Zieglshawser hat versatzt sein haws, gelegen am Alten Rossmarkt zenagst der padstuben mit ainer seitten und mit der andern zenagst Giligen Pawm haws. Seinen kindern Sebastian und Eva, die er bey seiner hausfrawn Annen, Hannsen von Geraw tochter seligen gehabt hat und noch nicht vogtper sind. Umb drew hundert phunt phening haimstewr, die im dieselb Anna selige zubracht hat, und umb fünfthalb hundert phunt phening, die er ir daentgegen zu widerlegung gelobt hat zugeben als haymstewr widerlegung und der stat zu Wien recht ist, ut littera sonat. Actum an Montag nach der heiligen drey künig tag, anno etc. lviiio.

Summa vi tl. lx d.

Nota der geschefftbrief ist bey dem puch vernicht und die haimstewr und morgengab sind gevallen auf Sebastianen Zigeshaws und sein swester Eva.