Eintrag vom 1458-11-08Informationen zum Dokument

Steffan Lebenprust, der messrer, hat verkauff sechs phunt phening gelts pürkrechts auf seim haws, in der Pognerstrass zwischen Ulreichs Strobmair des pogner und Hainreichs Graber des messrer hèwsern gelegen. Umb sechsundfunfczig phunt phening, dem erbern hern Petern Haml, dietzeit caplan Sand Anthoni altar auf der perkirchen in in unser frawn cappellen auf der stetten zu Wienn gelegen, und seinen nachkomen und sind zudienn zu den drein tègen und wider abtzukauffen miteinander und den nagsten dinst damit, ut littera sonat. Actum an Mittichen vor sand Mertten tag, anno etc. lviiio.

Summa iii s. xxii d.

Nota das obgenant purkrecht vii tl. d. ist ab den egenanten haus abgeledigt und auf Mertten Herczogenperger hauss gelegt worden, und der alt purkrechtbrief ist noch unversert vorhanden wo der hürfür hefür komen und sol vernicht sein und tod.