Sebastian Nötlich, Jorgen Nötlich des Smelcz seligen sun, hat versatzt sein haws, gelegen vor Werdertor zenagst dem freithof Sand Johanns cappellen an aim tail und an dem andern zenagst weilent Rukchenstokchs pinter haws, davon man jerlich dint dem caplan der mess die Hainreich Wichsgiesserin Steffans von Stètz tochter auf aller heiligen altar zu Sand Steffan gestifft hat drew phunt phening und dem kirchmaister zu Sand Michel zu Petern underm Pirpawm jartag auch drew phunt phening alles zu purkrecht und nicht mer. Den erbern Cristan und Dorothen, seiner swester, Annen Walthesaren des ledrer hausfrawn kindern, die sy bei irm erern mann Jorgen dem Schäbler gehabt hat, die noch nocht vogtper isnd, umb virundzwaintzigk phunt phening, die in der obgenant Jörg Nötlich der Smelz ir een seligen geschafft hat nach lautt seins gescheffts das in dem statpuch zu Wienn gechriben stet, und sind zubetzaln wann dieselben kinder vogtper werden und zu irn beschaiden jarn koment oder ob sy ungevogt abgìngen ìrn nagsten erben an alles vercziehen. Actum an Montag nach Remiscere in der vasten, anno etc. lviiiio.

Summa xlviii d.