Steffan Huppawr und Ursula, sein hausfraw, habent versatzt ir haws, gelegen in der Kernerstrass am egk gegen Sand Johanns uber das vormaln zway hewser gewsen ist zenagst der heiligengeister haws. Achacien und Wolfgangen, Petern Junkman burger zu Wienn seligen sùnen, die er pey weilend seiner erern hausfrawn Margreten der egenanten Ursula muter elichen gehabt hat, derselben Ursulen geswisternd, die noch ungevogt sein, und irn erben, die herkomen von der umb drewunddreissig phunt und achtzig phening, die herkomen von den funftzig phunt phening die Hanns Lichs der vorgenanten Ursulen vater der bemelten Margrethen seiner hausfrawn irer muter geschafft hat und in gesprochen sind, und sein zu betzallen wann die egenanten Achacz und Wolfgang vogtper werden. Gingen sy aber ungevogt mit tod ab darnach irn nagsten erben an alles vertziehen ungeverlich. Actum an Freitag sand Peter und sand Pauls abent apostolorum, anno domini etc. lxxmo. primo.

Summa lxvi d.

Nota der Achatz Junkhman und sein pruder Wolfgang habent den sacz ledig gesagt ut quittung und kuntschaft zum gruntpuch erlegt.