Sigmund von Perleinfreit und Kathrein, sein hausfraw, habent versaczt ir hawss und garten daran und was darczu gehortt, gelegen vor Kernertor bey den Sibenherbergen zenagst der prukhen und Sand Colmans freithof, und ain hofmarch, die vormalen ain hawss gewesen ist gelegen daneben, dman jerlich von derselben hormarch dint in der Burgerspital vor Kernertor hie drey schilling Wienner phening zu gruntdinst und nicht mer. Der erbern Annen, Jorgen Keyninger hausfrawen, und Agnesen, Hannsen Egkentaler hausfrawn, ir swester, und Merten Reyspekhen, irm pruder, der noch ungevogt ist, und iren erben¹, umb dreissigkh phunt phening, daraus dem yetzgenanten Reyspekhen zu seinem tail zugepuren funfftzehen phunt phening sechs schilling und zwaintzig phening, die herkomen von den lxxxxv tl. d., darumb das obgenant hawss mit seiner zugehornung verkaufft ist und in rechtlichen und erblich gevallen, und sein zubezalen zu den Weichnachten nagstkunfftigen an alles verziehen getrewlich und ungeverlich. Actum an Freitag sand Sixten tag, anno domini etc. lxiiio.

Summa lx d.