Eintrag vom 1473-08-09Informationen zum Dokument

Simon Ahorn, burger zu Wienn, und Kathrein, sein hausfraw, habent versaczt die ubertewrung irs hawss, gelegen am Alten Fleischmarkt zenagst weilent Micheln Kristain selien hawss, uber die hundert und newntzig Hungrisch guldein, darumb es emalen Pertlmen Vormawer und seinen erben versaczt ist. Dem erbern Giligen Marx von Weissenburg und seinen erben oder wem er die schafft macht oder gert, umb zwayhundert und ainundzwanetzig Hungrisch guldein gerecht in gold und wag und sein zubetzalen von den Weinachten nagstkünfftigen uber ain ganntz jar nagst darnach valigund an alles vertziehen getrewlich und ungeverlich. Actum an Montag vor sand Larenczen tag, anno domini etc. lxxiiio.

Summa ii ½ tl. d.

Nota den satz hat Andre Smid von Weissenburg ledig gesagt ut gwaltbrief, der bey dem gruntpuch ligt. Actum an Sambstag post Nativitatis 89.