Sigmund von Perleinfreit und Kathrein, sein hausfraw, habent versaczt die ubertewrung irs hawss und agrten daran und was darczu gehört, gelegen vor Kernertor bey den Sibenherbergen zenagst der prukhen und Sand Colmans freithof, und ain hofmarch, die emaln ain hawss gewesen ist gelegen daneben, daman von derselben hofmarch dient in der Burgerspital vor Kernertor hie drey schilling Wienner phening und nicht mer, uber die dreissig phunt phening, darumb es vormalen Annen Jorgen Keyiniger hausfrawn und Agnesen Hannsen Egkentaler hausfrawn ir swester und Merten Reyspekhen und irn erben umb dreissig phunt phening versaczt ist. Dem vorgenanten Merten Reyspekhen, umb zwaintzig phunt phening und sein zubezalen wann er vogtper wirdet und ob er ungevogt abgieng weilent Petern Sachsen seins vater seligen geschefftlewten, die sullen dan dieselben zwaintzig phunt phening durch got und desleben Petern Sachsen seligen sel hails willen nach lautt seins gescheffts daz im statpuch hie geschriebn stet an alles verziehen. Actum an Freitag Sand Sixten tag, anno domini etc. lxxiiio.

Summa xl d.