Eintrag vom 1438-04-23Informationen zum Dokument

Thoman Zetter und Barbara, sein hausfrau, habent verchaufft xii tl d. geltz purkrechts auf der ubertewrung irs hauss, in der Vodern Pekchenstrass gelegen zenagst Jorgen des Gelestorffer seligen haus, uber die cc xx tl.¹ d., dafur es maister Petern Etter seligen gescheffthern emaln versatzt ist. Umb hundert phunt pfenig, der erbern frawn Margreten, Hansen des Poben seligen witib, und junkfrawn Margretten, irer tochter, die noch nicht vogtber ist, die sie bey dem egenanten Poben seligen gehabt hat, also das die egenant Margret das benant purkrecht die weil die yetztgenant ir tochter lebt innhaben nutzen und niessn sol. Wer aber das sie abging ee denn die benant Kathrin ir tochter, so sol dann das genant die das egenant purkrecht erben und gevallen auf dieselb ir tochter lediklich. Wer aber das dieselb ir tochter sturb ee dan die benant ir mutter, so sol dann dieselbig Margreth und ir erben das vorgenant purkecht lediklich haben und sind zu dienen zu dren tagen und wider abzekauffen miteinander und den nagsten dinst damit, ut littera sonat. Actum an Mitichen vor sand Jorgen tag, anno etc. xxxviiio.

Summa vi s. xx d.

Das gelt ist wider angelegt auf ainen weingarten am undern Alssegk der der frawn zu Sand Niclas und i ½ jeuch ist als das in des Dietramen gruntpuch geschriben stet.