Thoman Praytenweidacher hat verkaufft siben phunt phening geltes purkrechts auf der uber tewrung seins hauss, gelegen pei dem Rotenturm auf dem steig zenagst Adams Herting haws, uber die funfczig phunt phening, die weilent Hannsen Pukchspawm an stat und als gerhaben junkfrawn Barbaren und Margreten Hannsen Welser des leinbater seligen kindern und irn erben emaln darauf verschriben sind, umb sibenczig phunt phening. Dem erbern hern Andre Pergawer de von Pulka, caplan der mess die fraw Anna Merten des Reidegker im Vischof witib auf der zwelfboten altar dacz Sand Stephan zu Wien gestifft hat, und seinen nachkomen und sind zu dienn zu drein tegen und wider abzekauffen miteinader und den nagsten dinst damit, ut littera sonat. Actum an sand Dorothea tag, anno etc. liiiito.

Summa ½ tl. xx d.