Eintrag vom 1454-03-22Informationen zum Dokument

Thoman Wild hat versaczt die ubertewrung seins hawss mit aller seiner zugehornung, gelegen in der Witwerherstrass zu Wienn zenagst Jacoben des Rechwein haus an aim tail und an dem andern zenagst Wilhalms Merttinger haws, uber die sechshundert pfund pfening morgengab, die er seiner hausfraun Margrethen Petern des Slotzer tochter emaln darauf verschrieben hat nach lautt ains briefs, und darczu das hewsl, das er von dem Gugkl, und das haws daran, das er von Hannsen Walich kaufft hat was des noch vorhanden ist, und die zway gewelb pey der infart under der newen stuben, die an des egeanten Gugkl haws stossent. Umb drewhundert und zwainczig guldn in gold

und sechczig pfening oder aber fur yeden gulden funf Wienner munss als der dieselbig zeit gankch hat, dem erbern Conraten Strobl, dieczeit anwalt in der mùnss, und seinen erben und sind zubeczalen alle jar an sand Jorgen tag hundert und sechs gulden funf schilling und zwainczig pfening solang uncz das sy der der obgenanten drewhundert und zwainczig gulden und schczig pfening gancz beczalt werdent und sullen mit der ersten werung anheben zu sand Jorgen tag im funfundfunfczigsten jar nagstkünfftigen an alles vercziehen, ut littera sonat. Actum an Freitag vor unser frawntag der kundung in der vasten, anno etc. liiiito.

Summa ii ½ tl. d.