Eintrag vom 1462-04-07Informationen zum Dokument

Thoman Schüssler, der pogner, hat vermacht und verschriben sein hawss, gelegen in der Pognerstrass zunagst Stephan Arczpekchen des pogner haus an ainer seitten. Seiner hausfrauen Gedrautten, Hainreichs Ingelsteter des kürsner muem, umb fünfundzibenczigk pfunt Wienner pfening zu rechter haimstewr widerlegung und morgengab. Also mit aufgenomen wortten ist daz ermit dem tod abgeet ee dann die egenant Gedraut sein hausfrau und sy in überlebt so sol sy die egenanten funfundsibenczig pfunt Wienner pfening haimstewr und morgengab auf demselben seinem hawss irem fürpfannt ledigklich und freylich haben allen irn frumen damit schaffen mit verseczten, verkauffen, sachffen machen und geben wem sy will. War aber sach daz die egenant Gedrautt sein hausfraw mit dem tod abgieng ee danen der egenant Thoman und er sey uberlebt so sein im dann die bemelten fünfundsibenczig pfunt Wienner pfening haimstewr und morgengab auf dem benanten seinem hawss auch genutzlich wider ledig worden allen seinen frumen damit zeschaffen wie in des verlust an menigklichs irrung, ut littera sonat. Actum an Mitichen vor dem Palmtag, anno etc. lxiio.

Summa v s. d.