Thoman Schilthofer, der koch, und Helein, sein hausfrau, habent versaczt die übertewrung irs hauss, bey den Predigern zenagst dem seelhawss. Jörgen dem Pettenperger, puchschreiber, und Dorotheen, seiner hausfrawn, umb ainunddreyssigk Ungrisch gulden gerecht in golt und wag und sind zubeczalen auf sand Michels tag nachstkünftig an alles vercziehen. Und ob ains der benant kaulewt Jorgen Pettenperger und Dorotheen, seiner hausfrau, vor den andern mit tod abgieng vor dem benanten sand Michels tag, so sullen dennoch dem das noch im leben ist die obgenanten ainunddreyssigk Ungrisch gulden ganntz beczalt werden auf die obgenant zeit an alles vercziehen. Actum an Freitag nach sand Michels tag, anno etc. lxiio.

Summa lxii d.

Jörg Pettenperger habet cedulam.