Eintrag vom 1466-02-19Informationen zum Dokument

Thoman Panschenwein, burger zu Wienn, und Kathrein sein hausfraw, die ermalen Augustein Phiem den tuchscherer seligen auch eelichen gehabt hat, habend versaczt ir hawss, gelegen undern Tuchscherern gegen den Lanngen Tuchlauben uber zenachst Ettwenn Petner von Ladendorf hawss an ainem tail und an dem andern zenagst Jorgen Ebinger des tuchscherer hawss. Dem erbern Wolfgangen Phiem, dem tuchscherer, des obbenenten Augustin Phiem und der benanten Kathrein ir baider sun, und seinen erben, umb zwayhundert phund phening, die im der obgenant Augustin sein vater seligen geschaft hat nach lautt seins geschefts das hir im statpuch geschriben stet und sind zubeczalen zu sand Michels tag des ainsundsibenczigisten jars schirst komend an alles verziehen ungeverlich. Actum an Aschmitichen, anno etc. lxvito.

Summa xiii s. x d.