Thoman Swartzpekch, burger zu Wienn, hat versaczt die ubertewrung seins hauss, gelegen in der Vordern Pekchenstrass mit dem vorden tail und mit dem hindern tail in der Hindern Pekchenstrass zenagts Micheln Scher des fleischakcher haus, uber die iiic tl. d., so vor darauf sind versaczt Hannsen Gelesdorffer weligen nagst erben, wer die sein, und uber die xii s. d. ewigs gelts, die dem frumen mann, der die gefanngnen laitt und trösst die man vom leben zum tod bringen wil nachmaln darauf verschriben sein und abzukauffen sind mit xxxii tl. d. Der erbern frawen Margrethen, Hannsen am Prunn des appotegker burger zu Wienn seligen tochter seiner hausfrawen, umb iic tl. d. haimstewr und drewhundert phunt phening morgengab nach der statrechten hir zu Wienn. Doch hat im yeder tail die benant frawn Margreth ir haimstewr und der vorgenant Swartzpekch sein morgengab bey seinen lebtegen zu verschaffen vermachen oder zegeben wem derselb tail verlusst vorbehalten¹ an alle irrung und hindernúss ungeverlich, ut littera sonat. Actum an Montag nach sand Lucein tag, anno domini etc. lxvto.

Summa iiii tl. xl d.

Nota die obgenanten vc tl. d. haymstewr und morgengab sind erblich auf Barbaren Thomans Stauffenberger hawsfrau der obgenanten Swarczpekhen und Margreten seiner hawsfrau seligen tochter innhalt des geméchts auf ir beweiste frewntschaft im statpuch hir geschriben gevallen und zugestanden den sacz darauf ledig gesagtund den gemechtbrief zu dem puech zu vernichtung bracht. Actum an Mitichen nach Erasmi, anno etc. 91.