Thoman Guldein, gesessen vor Kernertor in der Kumphlulkhen, mitburger zu Wien, und Barbara, sein hausfraw, habend versaczt die ubertewrung irs hawss mitsambt den xii s. und vii d. die man jerlich davon dient, uber die xxiii tl. d. hauptgeltz purkrechts, darumb es vormalen dem capplan der mess so die erber fraw · Sindramin auf allerheiligen altar hincz Sand Stephan zu Wienn gestifft, versaczt ist. Wolfgangen, Oswalten Puchperg seligen und der obgenanten Barbaren¹ sun, der noch ungevogt ist, umb funfftzig phunt Wienner phening, die im von Wolfgangen Mautter seinem vetter pruder seligen erblichen zugepürent und gesprochen sein und herkomen von den hundert phunt phening die der erber Dietreich Keser dem obgenanen Wolfgangen Mautter seligen auf seinem halben hawss in der Wiltbergerstrass gelegen geschafft hat, und sind zubezalen wan der obgenant Wolfgangen Puchperg vogtper wirdet darnach an alles verziehen getrewlich und ungeverlich. Actum an Sambstag vor Thome apostoli, anno etc. lxvito.

Summa iii s. x d.

Ex iussu consily.