Eintrag vom 1467-02-26Informationen zum Dokument

Sigmund Gwaltshofer, burger zu Wienn, hat versaczt die ubertewrung seins hawss mit aller seiner zugehornung, gelegen in der Münsserstrass zenagst maister Jacoben Wuntarczt hawss h an ainem tail und an den andern zenagst der Michelpergerinn und irer miterben hawss und stosset hinden an den Liechtensteg an Marthsen Pewtler hawss, uber die achtzigk Ungrisch gultein, daruben es vormalen den ersamen fursichtigen und weisen hern Andren Schonnprukher burgermaister und rat der stat zu Wien an stat und zuhannden Ulreichs Wannkher weilent gesessen zu Prukh an der Leytta seligen nagsten erben wer die sein versaczt ist. Den ersamen weisen Petern Rauscher, hannsgraf in Osterreich, diezeit des rats, und Wolfgangen Zeller, burger zu Wien, an stat und zuhannden Hennsleins, Giligen Waldner auch weilent burger daselbs seligen sun, der noch ungevogt ist, und sein erben, umb zwayhundert und zwaintzig Ungrisch guldein gerecht in gold und wag und sind zubezalen auf die Weinachten nagstkunfftigen an alles verziehen getrewlich und ungeverlich. Actum an Phintztag vor dem Suntag Oculi in der vassten, anno domini etc. lxviimo.

Summa ii tl. xl d.

Nota die obgenant gehaben habend die vorgenanten iic und xx gulden emphangen und den sacz ledig gesagt. Actum an Mitichen pey Reminiscere in der vassten, anno etc. lxviiio.