Ursula, Larenczen des Swantz hausfraw, hat verchaufft zehen pfunt pfenig gelts purkrechts auf irm haus, gelegen am Silberpühel an dem Hohenmarkt hie ze Wienn am egk als man an den Kienmarkt geet zenagst Wentzlaben des Oler haus, davon man jerlich dint den erbern weisen dem richter und dem rat zu Hainburg vir und zwainczig pfunt pfening ze purkrecht die abzelosen sind mit virhundert guldein nach laut ains purkrechtbriefs so si darumb habent und nicht mer. Umb hundert pfunt Wiener pfening, dem erbern Priester hern Thoman von Rederbrunn, pfarrer zu Sunnerfeld, diezeit caplan Sand Linharts und Sant Josts altar in unser frawn kappellen hern Ottn und Haymen stifftung in der purger rathaus zu Wien gelegen, und sein nachkomen und sind zu diennen zu drein tegen und wider abzekauffen miteinander und den nagsten dinst damit, ut littera sonat. Actum an Montag vor sand Elsbeten tag, anno etc. xliiiito.

Summa vi s. xx d.

Nota die genanten c tl. d. sind abgelost und angelegt auf Petern Schüchler halbs haus am Kienmarkht an, ut littera, an freitag vor Reminiscere ano etc. lvto.