Ulreich Hesler hat versatzt die ubertewrung seins hauss, ganczes gelegen hinder Sand Pangrètzen zenagst des Krewssen hauss, uber die xii s. d. gelts purkrechts, so die geistlichen frawn zu Sand Larenczen emalen darauf habent und uber die x s. d. gelts purkrechts, so hern Niclasen pfarrer zu Sant Johans in der Siehenals nachmaln darauf verschriben sein, und uber die vii ½ tl. d., die er weilent junkfraun Annen Mertten Hiltprants seligen tochtter und irn erben auch darauf verphenntt hat nach laut des satzbuchs. Dem erbern Ludweigen Rewtter, Andres Rewtter des smids vor Schottentor seligen sun, und sein erben, umb xxviii tl. d., die von desselben seins vater haus vor Schottentor gelegen herkomen sein und Ulman der huter von sein wegen inngehabt hat und suldig gewesen ist, und sind zu beczalen von den nagstkunfttigen Weichnachten uber drew jar anvercziehen und sol auch darczu den vorgenanten knaben1 die egenanten drew jar innhaben das hantwerkch lernen und nach notdurfften versorgen an abslag des egenanten haubtguts ungeverlich. Actum an Freitag ante Lucie, anno etc. xliiiito.
Summa lvi d.
Hesler habet cedulam.
Den satz hat der obgenant Ludweig selbs ledig gesagt, an Freitag post Ambrosi, xlviiio.