Eintrag vom 1456-11-12Informationen zum Dokument

Veit Hindperger, dietzeit des statschreiber diener, hat versaczt zurecht ebentewr den ersamen weisen · dem burgermaister und rat der stat zu Wienn und irn nachkomen sein haws, gelegen ynnerhalb Schotentor zenagst Lucasen Lindenwiser haws, umb funfundneczig pfund pfening, die Mathes Judenegker der gurtler von Elspets Kunrats Messrer des aufgeber hausfraun seligen die emaln Linharten Harber auch elichen gehabt hat und von demselben Harber ir morgengab gewesen sein als deselben Harber nagsten erb geerbt und dem egenanten Kunraten mit recht anbehabt hat nach lautt ains gerichtpriefs darumb ausgegangen in der mayungen ob in rechten tegen icht nehender oder also nahent erben herfur kemen also der egenante Judenegker ist nach innhalt seiner beweisten freuntschafft die in dem statpuch geschriben stet die sullen des an iren rechten unentgolten beleiben angevér nach lautt ains saczbriefs der darub zu dem gruntpuch erlegt ist. Actum an Freitag nach sant Mertten tag, anno domini etc. lvito.

Summa iii s. d.