Eintrag vom 1457-03-30Informationen zum Dokument

Ulreich Hakenberger, der apoteker, hat versaczt die ubertewrungen seins clainen hawss, gelegen am graben zenagst dem grossern seim haws an aim tail und an dem andern zenagst Kunrats Rottinger haws, uber die hundert pfunt pfening, die frawn Kathrein Steffans Lists burger zu Pressburg hausfraun die emalen Wolfgangen Petzolt auch elichen hat gehabt vormalen darauf verschriben sein ir lebtag nach lautt ains saczbriefs darub gegeben. Junkfraun Ursulen, Ulreichs des Veldner seligen tochter, und irn erben, umb hundert und achczig pfunt pfening, die derselben Ursulen gegen irn swester Dorothen Niclasen Lewtl hausfraun und Margreten Casparen Rinnharts hausfraun zu irm tail erblichen zugepirnt auch pey der stat gruntpuch gelegen gewesen und herkomen sind von weilent Tristans Veldner irs vater pruder haws im vischof das Niclas planer verchaufft und von aim halben haws genant das Smergrübl zenagst dem Taschenhaus gelegen Hannsen Weissen verchaufft ist worden, und sind zubetzalen wan die egenant junkfrau Ursula vogtper wirt oder ob sy ungevogt abging irn nagsten erben den das rechtlich zugepint an alles vercziehen. Actum an Mittichen nach Letare in der vasten, anno domini etc. lvii.

Summa x s. xx d.

Summa xii s. d.

Den satz hat die egenant Ursula ledig gesagt durch Jorgen Rauchmair sneider und Giligen von Herczogenburg und die clxxx tl. d. hat bei dem puch ingenomen Andre Fuchsperger, ir man, … ... Niclas Lewtl an Mitichen ante Pangraci, anno etc. lviiii.