Ulreich Volkchl hat versaczt sein haws, gelegen im Gesslein zenagst der padstuben zu den rorn an aim tail und an dem andern zenagst Thomans Rudolf gurtler haws, davon man jerlich dint hern Cristan Widhakcher capplan der mess und caplaneistat Hainrich Purkhartsperger zu Sand Steffan gestifft hat, vir pfund pfening und hern Hannsen Richter, levit zu Sant Steffan dieczeit verweser der mess so die Urbetschen auf sant Valteins altar in sant Peter gestifft habent, funf pfund pfening alles zu purkrecht und nicht mer. Henslein, seim sun, und seinen erben, umb sibenczig pfunt pfening, die im zu muterlichen erbtail an dem halben haws in der Vordern Pekchenstrass gelegen zugepinz habent, und sind zu betzalen wenn derselb Henslein vogtper wirdet oder ob er ungevogt abging darnach seinen nagsten erben den sy rechtlichen zugepirnt an alles vertziehen. Actum an Mitichen nach Letare in der vasten, anno etc. lviio.

Summa ½ tl. xx d.

Magdalen Gotschalingerin habet cedulam.