Eintrag vom 1465-04-25Informationen zum Dokument

Veit Schrigk, der kramer, mitburger zu Wienn, und Barbara, sein hausfrau, habent versaczt ir halbs haws, ganczes gelegen am Graben zenagst weilent Kasparn Appotcker haws an aim tail und an dem andern zenagst Thomans Schenburger des goltsmids haws, und ist der annder halb tail desselben gantzen haws mit allen den gemechen und gemain stukchen so nach lautt der tailbrief darczu gehornt. Dem ersamen gelerten maister Niclasen Schrikger von Hittendorf, irm pruder und swager, und seinen erben, umb hundert und vir Ungrisch guldein gerecht in gold und wag und sind zubetzallen wann er die haben und nicht lennger peyten wil darnach analles vertziehen ungeverlich. Actum an Phintztag nach sand Jorgen tag, anno etc lxvto.

Summa i tl. x d.

Maister Niclas Schrikcher habet cedulam.

Der sacz ist ausgethan auf maister Niclasenn Schrikher gescheft des ain ausgang chuntschaftbrief vom rat zu Prespurg ausgangen zum buch erlegt ist. Actum 6ta ante Bartholomei anno 89.