Eintrag vom 1447-04-28Informationen zum Dokument

Wolfgang Holczer, burger zu Wien, hat versaczt sein haws und zuhaws hinden daran, gelegen am Alten Fleischmarkcht zenagst Stephans Hittendorffer des peler haus an aim tail und an dem andern zenagst dem gesslein als man under die hafner get, und datz gertl mit der stetten, auch hinder den egenanten heuslein und gegen den hafnern uber gelegen, daman von demselben gertlein mit der stetten jerlich dient der stat ze Wienn lx d. an sant Jorgen tag zu gruntdienst und nicht mer. Der erbern frawn Margreten, Lucasen des Newnburger seligen tochter, seiner hausfraun, fur cc tl. d. zu haimsteur nach der statrechten zu wien nach laut ains briefs darumb gegeben. Actum an Freytag vor sand Philipp und sand Jacobs tag, anno etc. xlviio.

Summa vi s. xx d.

Dez vorgenant sacz hat die egenant Margret irm man ledig gesagt nach laut ains briefleins dacz pei den puch ligt, an sand Thomans abent, anno etc. xliii.