Eintrag vom 1447-05-15Informationen zum Dokument

Wolfgang Holczer, burger zu Wien, hat versatzt und verschriben seiner hausfraun Margreten, Lucasen des Newnburger seligen tochter, seiner hausfrawn, cccc tl. d., die ir ledigs gut sein die sy schaffen machen und geben mag wem sy wil, auf der ubertewrung seins hawss und zuhauss hindern daran, gelegen am Alten Fleischmarkht zenagst Stephans Hittendorffer des Peler haws an aim tail und an dem andern zenagst dem gesslein als man under die hafner geet, und des gertleins mitsambt der stetten, auch hinder den egenanten heusern und gegen den hafnern uber gelegen, daman von demselben gertlein mit der steten jerlich dint der stat ze Wienn sechtzig phening an sand Jorgen tag ze gruntdinst und nicht mer, uber die zwaihundert phunt phening haimsteur, die die egenant frawn Margretn emalen darauf verschriben sein. Also das dieselb frau Margrethen nu furbas¹ die egenant cccc tl. d. auf der ubertewrung des egenanten hauss und zuhaus mit aller seiner zugehorung lediklich und freilichen haben nützen und niessen und allen irn frumen damit schaffen machen und geben wem sy wil an irrung. Wer aber daz dieselb fraw Margret mit dem tod abging und die egenanten cccc tl. d. unverschafft unvermacht und unvergebn hinder ir liezz, so sullen sy denn erben und gevallen auf ir negst erben darauf si dann zu recht erben und gevallen sullen der sy dann von der ubertewrung des egenanten hauss und seiner zuhgehorung irm surphant bekomen sullen und mugen als der stat recht ist im hat auch der egenant Holtzer und ein erben gwalt vorbehalden die uberteurung des egenanten hauss uber die cccc tl. d. zu losen wenn si wellent doch daz dieselben phening nach ir baider frewnt rat derselben Margreten und irn erben wider angelegt und verschriben sullen werden in den rechten so vorgemelt ist. Actum an Freitag nach des Heiligen Krewtztag als es erfunden ist, anno domini etc. xlviio.

Summa iii tl. lxxx d.

Nota die genant haimstewr hat der Holzter mmitsambt der morgengab widerumb auf dem haus verschriben, an sand Thomans abent xlviiio.