Eintrag vom 1451-08-06Informationen zum Dokument

Wolfgang von Pilichdorf hat versatzt sein haus, gelegen am graben gegen des von Ellerbach haus uber zenagst weilent Jorgen kochs haus. Den erbern Kristan Wissinger und Hannsen Marheker, fraun Helen Linharts Neunhofer witiben geschefftlewten, anstat und zu handen junkfrawn Margreten, des egenanten Wolfgangs tochter, die noch nicht vogtpter ist, umb xxxii tl. d., die ir weilent die benante frau Helena geschafft hat und die benanten geschefftleut dem egenanten Wolfgangen ausgericht habend und die er innhaben nuczen und niessen sol. Uncz das dieselb sein tochter verheirat wirt, so sullen dann er oder sein erben den egenanten geschefftleuten zuhanden derselben seiner tochter die xxxii tl dn ausrichten an alles vertziehen. Wer aber das sy mit tod vor irem vater abging er wenn sy verheirat würd dennoch, sol er die egenanten xxxii tl dn innhaben nuczen und niessen unverkumert sein lebteg und nach seim tod sullen die erben auf sein leiberben ob er die hinder sein lét. Liesse er aber nicht elich leiberben hinder im, so sullen dieselben phening gevallen halb dem Wienner püssern zu Sand Jeronimy zu pessrung irer phrünt und halb dem haws daselbs ze nucz, ut littera. Actum an Freitag vor Laurentz anno etc. limo.

Summa lxiiii d.