Wolfgang Kottrer, kursner, hat versaczt sein haws, gelegen hinder der Wurfflel grossem haws gegen dem kursenhaws uber zenagst Stefans Tengken haws an aim tail. Dem erbern weisen Ulrichen Nuczhaimer, burger zu Hamburg, und seinen erben, umb drewhundert guter newr Ungrischer guldein gerecht in gold und wag und sind zubetzalen von hewtigen tag als die saczung beschehen und den nagstkunftigen drewn jarn an alles vertziehen und sol zu dieselben drew jar alle jar davon raihen und diennen virzndzwannczig guldein in gold zu den drewen tegen im jar zu sand Michels tag, zu Weichnachten und zu sand Jorgen tag zu yedem tag acht Ungrisch guldein und sullen mit dem ersten dinst anheben an san Michels tag nagstkunftig an alles vertziehen. Actum an unser herren auffertabent anno domini etc. quinquagesimo novo

Summa nulla propter summam priorem

Nota den satz hat Barbaren Jorgen Frankhen hausfrau, die vormaln den obgenanten Nuczhaimer seligen auch elichen gehabt hat, auf das geschefft, so derselb Nuczhaimer darfur Barbaren seiner hausfrau geben hat und im statpuch hie geschriben stet, ledig gesagt. an Mitichen post Steffani Innvocavit, anno etc. lxxii.