Wolfgang Phannhaimer und Elspeth sein hausfraw, habent versaczt ir haws, gelegen zenagst Sand Jacobs freithof an ainer seitten und mit der andern zenagst dem haws, genant der Erich Dem ersamen herren maister Paulen Wanen von Kemnaten, irm swager und vettern, und seinen erben, umb zwaihundert phunt phenig landes werungen in Österreich gelihens gelts und sind zubezalen wann sy die vordernt und nicht lenger peiten wellent darnach inner den nagsten zwolf wochen an widerred und an alles vertziehen getreulich und ungeverlich, ut littera sonat. Actum an Phincztag vor sand Veits tag, anno domini etc. lviiii.

Summa xiii ß x d.