Wolfgang Turner hat versaczt sein haws, gelegen hinder Sand Pangretzn zenagst Steffans Weykerstorffer haws, davon man jerlich dint dem kapplan der mess die der Thiem auf des heiligen krewcz altar hincz Sand Michel zu Wienn gestifft hat, achthalb phunt Wienner phening zu purkrecht die abzulosen sind mit sechtzig phunt Wienner phening nach laut zwair purkrechtbrief und nicht mer. Der erbern Margreten, Micheln Korner hawsfrawn, die emaln Stecnzl Pawngartner vilczhuter seligen auch elichen gehabt hat, an stat und zu handen Barbaren, ir tochter, die si mit dem benanten Stenczlein gahabt hat, und noch nicht vogtper ist und irn erben, umb funf guter Ungrischer guldein gerecht in gold und wag, der derselben Barbaren zu irm tail zu gepirnt von dem haws, das des egenanten irs vaters des Stenczleins und Margreten weilent seiner hawsfrawn irer muter gewesen ist, und das dieselb Margreth anstat ir selbs und der egenanten Barbaren dem egenanten Wolfgangen verkaufft hat, und sind die egenanten guldein zu beczaln wan die egenant Barbara vogtper wirdet oder og si unggevogtt abging darnach irn erben den si rechtlich zugepurnt an alles vertziehen. Actum an Freitag vor Letare, anno etc. lxi.

Summa iii s. x d.