Eintrag vom 1461-06-08Informationen zum Dokument

Wolfgang Holczer hat versaczt die ubertewrungen seins hawss, gelegen am Alten Rossmarkt zenagst weilent Kunrats Kophdréchsl haws, uber die funfhundert phunt phening haimstewr und morgengab, darumb es yetz seiner hausfrawn Margrethen Lucasen Newnburger seligen tochter ehmalen versaczt ist, und uber die zwaihundert phunt phening, die er Erhardt Griesser geschefftlewten und irn nachkomen zu seiner ersten hausfrawn Barbaren seligen zu heiratgut darnach versaczt hat. Der egenanten Margreten, seiner hausfraun, umb virhundert phunt Wienner phening, also daz sy dieselben virhundert phunt phening auf der ubertewrungen des egenanten hawss sol lediclich und freilich haben und allen irn frumen damit schaffen wie sey des verlust und gutznubt an alle irrung. Actum an Montag nach sand Erasems tag, anno etc. lxio.

Summa xiii s. d.

Margret habet cedulam

Margret habet iterum cedulam

Nota desselben Holczer hauss habent sich die herren burgermaister und rate von versessner stewransleg und annders camerguts wegen so gemainer stat darauf unbezalt gewesen ist, zu der stat hannden understannden das Sigmunden Pernfues verkaufft und all saczs so durch benanten Holczer darauf beschehen sein auszethun und zu verrichten geschafft. Actum an Freitag vor Anthony Abbatis, anno etc. 96