Eintrag vom 1461-08-11Informationen zum Dokument

Wolfgang Chottrer hat versaczt sein hawss, gelegen hinder der Würrffl grossem hawss gegen dem Kürstenhaws uber an ainen tail. Dem ersamen heren Petern Unumtumb, dieczeit áchter zú Sand Steffans zú Wienn und kapplan der mess die Niclas Tailer seliger zustifften geschaft hat, und seinen nachkomen kapplan derselben mess, umb zwayhundert und sibenczigk pfuntt Wienner phening, die der egenant Niclas Tailer zu der mess geschaft hat nach lautt seins gescheffts das in dem statpuch zu Wienn geschriben stet, und sind zubeczalen von datum des sacz uber zwelf ganncze jar nachst nacheinander künfftig an alles verziehen. Doch also daz er dem obgenanten hern Petern kapplan und seinen nachkomen die egenanten zwelf jar von guten willen und nicht von rechtens wegen raichen und geben sol zwelf pfuntt Wienner phening zu den vier quatembern im jar zu iedem quatember drew pfunt Wienner phening und sullen mit den ersten dinst anheben zu den quatembern in der vassten nachstkünfftigen an wider red, ut littera sonat. Doch unvergriffen Ulrichen Nuczhaymer zu Heynburg und sein erben an den drew hundert Ungrisch gulden darub in das vorgenanten hawss verseczt ist daran derselb nacheinander empfangen hat hundert Ungrisch gulden, ut littera sonat. Actum an Erihtag nach sand Larenczn tag, anno domini etc. lxio.

Summa xvii s. d.

Kottrer habet cedulam