Hanns Totter der ledrer, mitburger ze Wienn und Kathrey sein hausfraw habend verkaufft drew phund phening gelts purkrechtz auf irem hawss und garten daran, gelegen vor Werdertor under den Ledrern zu Wienn, zenagst Michels Rienolts haws an ainen tail. Umb xxiiii tl. d. Wienner phening dem erbern weisen Jacoben Gsméchl,

---

dieczeit des rats und kirchmaister Sand Michels kirchen zu Wienn und seinen nachkomen daselbs. Und gehort die vorgenant gult zu ainem ewigen jartag, den Larencz der Smid, dem got genad, in der obgenanten Sand Michels kirchen im jerlich zu begen mit achtzig selmessen gesprochen ze stifften geschafft hat, nach innhaltung seins gescheffts daz in dem statpuch hie geschriben stet. Und sind emalen auch auf dem benanten hawss und garten verschriben gewesen und sind zu beczaln zu drein tégn im jar, zu Weinachten, zu sand Jorgen tag und zu sand Michels tag, zu yedem benanten tag ain phund phening. Und sullen auch mit dem ersten dinst anheben zu den Weinachten nagstkünftigen, an alles vercziehen. Es ist auch das vorgenant purkrecht auf dem egenanten haws und garten wider abzukauffen, wann man daz getún mag oder wil, miteinander mit xxiiii tl. Wiener d. und den nagsten dinst damit, der dann davon ze geben gevellet, an allen krieg, ut littera sonat. Actum an Freytag vor dem heiling Phingstag anno domini etc. lxvto.

Summa xlviii d.

Nota das obgenant purkrecht ist abgelösst und auf Stephan Arbaitter hawss in der Walichstrass verschriben.