Eintrag vom 1465-12-02Informationen zum Dokument

Hainreich Bschof hat versaczt die übertewrung seins hauss gelegen am Alten Fleischmarkht gegen Sand Larenntzen über zenagst der statkassten über die hundert und fünfczehen phunt phenning die Jacoben Ménharten Elspeten Larenczen Stich des fleischakher hausfraun Pangretzen Hénnsleim und Bárblein gswistreiden Niclasen Ménharts fleischakher kindern und iren erben. Vor darauf verschriben sein. Dem erbern Larenntzen Stadler und seinen erben. Umb drew gundert guot new Ungrisch gulden gerecht in gold und wag, die Wolfgang Holczer vormalen auf dem lxii hauss verschriben und verphenndt gewesen sind, und die unser allergnedigster herr, herr Fridrich Rómischer kayser (und) k(önig) etc. als seiner gnaden verfallenter gút dem obgenant Stadler gnediglich gegeben, und in umb deroselben drewhundert ung(arische) gulden in das saczpúch ze schreiben und den obgen(ant) Holczer darumb auszetún geschaft hat nach lautt seiner k(ayserlichen) g(naden) gescheftbrief, der zú dem gruntpúch ist erlegt. Und sind zu beczalen wann er die haben, und nicht lennger peiten will, anverziehen ungeverlich. Actum an Montag post Andree apostoli anno etc. lxvo.¹

Summa ii t iiii s. d.

Hanns Stadler Jorgen Gundlach habet cedulam.

Nota. Der obberrúrt satz ist aus bevelch der herrn burger und rats abgetan worden, dann solch haus gemainter stat umb versessen stewr und anslag, nemlich hundert und acht phund phening. Auch die hundert und fúnfzehen phund phening gemainer stat nachdem dhain erb verhannden gewesen haimgefallen, und Bernhart Nusner, dem solch haus di herrn haben verschaft zuverfertigen auf di 200 tl. d. darein verpawt hat, dennoch daz haus ferer dhainen úberschus ertragen mugen. Actum Sabato in vigilia Palmarum, anno xv.

Nota Umb die obgenant iiic guldein ist noch ainn ynnerster zedl aus dem gruntpuch vorhannden die der Holzer genomen hat und darumb wann der Stadler der egenant iiic guldein beczalt wirdet, so sol er die stat von derselben zedlen wegen versorgen und das gruntpuch etc.

Stadler habet cedulam.