Hanns Hayden schúster hat versaczt sein hawss gelegen amm Alten Kolmarckht zenagst Symon Prunner satler an ainer seitten, und zú der andern seitten ettwann Wenczlaben Rawber des kürsner hawss. Dem erbern Hainrichen Vissenperger mitburger ze Wienn und Margareten seiner hausfraun, und iren baiden erben, umb fúnfundvirczigk phunt phenning, die er in an drein fuder wein, der er yedes umb zwayundzwainczigk phunt phenning auf die hain, von in kauft hat nach lautt ains geltbriefs, der mit dem sacz nu abgelediget und todt ist. Und sind zúbeczalen auf den nachstkúnftigen san Johanns tag ze Sunbenten an alles vercziehen, ungeverlich. Actum an Freytag vor dem Suntag Letare in der vasten anno etc. lxvito.

Summa iii s. d.

Ursenperger habet cedulam.