Eintrag vom 1466-04-18Informationen zum Dokument

Hanns Schúchl der goltsmid mitburger ze Wienn hat versaczt die ubertewrung seins hawss, gelegen amm Kolmarkht zenagst ettwenn Ulrichs Vochter selige hauss an aimm tail und an dem anndern zenagst Hannsen Unverdrossen hawss uber die fúnfczigk Ungrische guldein, darumb es der hochwirdigen schul und facultet geistlicher rechten hir zu Wienn zu der Newen Cappelen in derselben schul vormalen verschriben sind. Und uber die vierundfúnfczigk phunt phenning darumb es ainem capplan der ewigen mess, so Ludwig Hunrayrer und Anna sein hausfr(aw) zu Sand Stephan hin gestift habend auch eemalen darauf verschriben sind ist, den erbern weisen Hannsen … Wolgangen Lóppl und Lucasen Pawngartner als gscheftleuten Veiten Schattawer seligen und irn nachkommen desselben gschéftes zu hannden desselben gschäfts, umb xxviiii t d. und sind zubeczalen auf den nachstkúnftigen sand Michels tag an alles vercziehen, nach lautt ains geltbriefs den der obgemelt Schúchl dem berúrten Schattauer darumb gegeben hat, des datum ist Anno etc. lxvi und der gegenburtigen satz und derselbe geltbr(ief) sind ain geltschuld. Actum an Freytag vor Georii martiris Anno etc. lxvito.

Summa lviii d.